“Kang puntennya ngarerepot, kumaha atuh akang emam! terus pakean teu aya nu nyeuseuhan.” kitu sms na teh.
…Ah sawios atuh da salira teh teu kamamana, akang emam tinggal am, ngadamel heula, ngaliwet-liwet wae mah bisa atuh, nyeuseuhan da ti leuleutik oge osok, tong hariwang, nu penting Nyai bingah, liburan jeung barudak sakalian ngalongok si Teteh. …Aya ku genah, genah merenah tumaninah ari ku ridho mah….
Geus di rarancang arek ngagambar, atawa ngke katempat anu biasa, uhuyyyy…..
Emut keur leutik, memeh maghrib sok aya pupujian, matak nineung, ari eusi pupujian na teh kieu:
ANAK ADAM
Anak Adam anjeun di dunya ngumbara
umur anjeun di dunya téh moal lila
Anak Adam umur anjeun téh ngurangan
saban poé saban peuting dicontangan
Anak Adam paéh anjeun téh nyorangan
cul anak cul salaki jeung babandaan
Anak Adam paéh euweuh nu dibawa
ngan asiwung jeung boéh anu dibawa
Anak Adam pasaran téh lolongséran
saban poé saban peuting gegeroan
Anak Adam anjeun kaluar ti imah
digarotong dina pasaran tugenah
Aduh bapa aduh ibu abdi keueung
rup ku padung rup ku lemah abdi sieun
Anak Adam di kubur teh poék pisan
nu nyaangan di kubur téh maca Qur’an
Bapa,,, Bapa.. Bapaaaa, bade kamana??!!, rawah-riwih lulumpatan nuturkeun bari gugupay.
Deudeuh teuing, sakedap anaking, Bapa moal lami mung bade nganjang.
Beuki jauh, ngambah… duh pamandangan endah, sarwa bersih.
“Paaaa, Bapaaaa”
“Naha bet kedah nangis Anaking??” gerentes.
Lebah Gapura, eureun nyanghunjar nitenan sabudereunana. Nu nyalukan masih ngelak pikawatireun.
” Muhun anaking Bapa Mulih”. Dirangkul ku ka deudeuh, ulah salempang anaking.
Asa teu tarima, digulang gaper saban inget, dirumatan dina rasa kaendahan nepikeun kuring ngarasa merod, ajrih basa anjeun dipenta ngalanglang, kuring nu sakieu kaayaanana, kari-kari ayeuna anjeun hayang milu! kuring nu salah can bisa maca kahayang andika dina sajatina!.
Ngagedurna rasa, lir seuneu ngabeubeula, rineh, rineh,rineh. Enya! kudu jembar, hampura kuring dina kabodoan, jug geura nyiar, kahayang kuring sarua jeung kahayang anjeun. Kuring ngan saukur boga waruga, pamenta kuring sing inget kana pangbalikan sabab kuring pasti ngarasa sono, sono alatan patali batin. Bral miang dianteur ku jembar. Allohuma Sholli Ala Muhammad wa Ali Muhammad.
 | Pram hatake di Wallpaper Kujang 1 |
 | siBro malisie di Guguritan “Paranti … |
| ani di Guguritan “Paranti … |
 | ade di Sugan Kaparengken dijeun |
| ade di Sugan Kaparengken dijeun |
 | galuhkiwari di Nadoman, Pupujian |
| galuhkiwari di Parabot 1 |
 | prasetia di Nadoman, Pupujian |
| Farhan di Parabot 1 |
| Anonymous di Bumi Alit |
| galuhkiwari di Nadoman, Pupujian |
 | ipishbali di Ulin Sakahayang |
 | firman di Nadoman, Pupujian |
| galuhkiwari di Wallpaper Kujang 1 |
 | erwin di Wallpaper Kujang 1 |
